[Mary Naeem]

ما مِنْ أحد يَرقَع ثوبا عتيقًا برقعة مِن قماش جديد






والیوم شو بدك تَتغیر روتین حیاتك ؟ اذا كنت معمد ما بدك عزیمة تتمشي بالطریق، طریق الحق والحیاة..


المسیحي ما بدو تكلیف من حدا،أوراق اعتماده مختومة بدم المسیح اللي بصلیبھ ھدّ العداوات بالغفران، وصالح السما والارض، ساوى بین الرجل والمرا، بین العبد والحر، بین البعید والقریب، بین الاول والاخیر، بین المدعو والمنبوذ، بین المرضى والاصحاء، لأنو ما بتھمو الذبیحة أكثر من الرحمة، ما بیھمو البروتوكول أكثر من الانسان ، ما بیھموا العالم كلو، ھمو الوحید ھو انت لأنو بحبك شو ما كنت تكون..

دعوة المسیح الك انك تكون معو، تصلي معو بلیلة آلامو.. بلیلة آلام كل شخص، حتى لو كان ع ضھر القمر (الام تریزیا) .. بدو یاك تكون حدو، حد المظلوم والمنبوذ والمھمش والمقھور والمشلوح عریان، مھجر، محروم من حضن الام وعطف البي.. دعوة المسیح الك بعدا ھي ھي من 2000 سنة، دعوة للمواجھة للمشاركة بعرس التجدید، تجدید البشریة، استدرجك عالمعركة، رقاك لفوق..
فوق الانانیات والحسابات البشریة الضیقة.. تتوقف قدام كل مصلوب.. وتتوجھ معو عالقیامة... والسؤال بیبقى شو رح تكون قدام ھالمصلوب؟ جندي معك حربة مجھزة للطعن؟ أم لسان قاسي مجھز للشتیمة؟ أم فكر أسود مجھز للعنة مثل لص الشمال؟ أو رح تكون قلب طیب جاھز للغفران وطلب الرحمة مثل لص الیمین؟ تتجدد انت ویتجدد معك كل انسان بیتلاقى فیك.