[walaa farouk]

بيحكوا أسطورة زمان أن واحد رفض يقلع البالطو
بتاعه رغم انه مليان حشرات .. و حاولوا يقنعوه بلا نتيجة !!
لغاية لما "الشمس" قالت لهم "سيبوه لي" ..

طلعت "الشمس" في وسط النهار ، و سخن الجو جدا
، فصاحبنا قلع البالطو من نفسه من غير اوامر و لا نصايح..

الدرس جميل و هام ..

بدل ما تنصح حد ، اخلق "احتياج " و اشبعه.
. ح تلاقي الناس كلها بقت بين ايديك ..

ماحدش ح يحبك بالأمر، لكن لو حبيته من قلبك
و خدمته بإخلاص، ح يحطك في عينيه و يحبك اكتر
(طبعا فيه استثناءات لبعض الشخصيات الصعبة قبل ما حد يتكلم!!) ..

و الطاعة ما بتجيش بالعافية، لكن لو احترمته
و قبلته و قديته مقامه ح يبقي خاتم
في ايديك بعد شوية (طبعا بنفس الاستثناءات السابقة ) ..

خليك الشمس تدفي الناس ، و انت في الاخر الكسبان
قبلهم و كسبان قلبهم ..