[souad jaalouk]

لكل يوم زوّادة: الصبر
هالقصّة مأخودة من كتاب القدّيسة تريزيا الطفل يسوع بقلم المطران جورج كويتر.
مرّة تطوّعت القدّيسة تريزيا بالدير تساعد راهبة ختيارة ترافقها من الكنيسة عا طاولة الأكل. هالراهبة كان خلقها ضيّق قد ما مريضة و كبيرة بالعمر. كانت تطلع فشّة الخلق بتريزيا مثلاً اذا هزّت هيّي و ماشية كانت تفكّر انّو تريزيا ما هدّتها منيح و تصرخ عليها: يا زغيرة كنت كسرت اجري بسببك! و اذا مِشيِت تريزيا عالبطيء بتعيّط عليها بتقلها عجلي شوي و هدّيني منيح مش حاسّتك واقفة حدّي! يمكن اذا منقرا القصّة منضحك بس اذا حطّينا حالنا مطرح تريزيا اللي كانت تسمع هالحكي كل يوم مش شي كتير حلو و هيّي ما كانت ابدا تنزعج او تعصّب. ما فينا ما نقدّر قدرتها عالصبر و نصلّيلها تعلمنا كيف!