[walaa farouk]

هل ممكن للأسير إنه يفرح؟
المحبوس ممكن يقدر ينجز في عمله أو في علاقاته أو في تطوير شخصيته؟

الحقيقة إن سبب من أسباب الاكتئاب هو إنك تشعر إن في حد مسيطر عليك
على أفكارك أو على قراراتك وتحس إنك ماعندكش مساحة
تعبر أو تتصرف أو تتكلم..

وللأسف إن السيطرة لما بتكون مستمرة مثلا من أهل أو من مدير في الشغل أو من علاقة مش قادر تسيبها انت بتتعود عليها وبتبدأ تكتسب صفات ماكنتش فيك عشان تأقلم نفسك إنك ينفع حد يسيطر عليك وأول ما بتجيلك الفرصة تسيطر على حد بتلاقي نفسك بتسيطر عليه ويمكن بطريقة زيادة عن اللي حصلت معاك.

والمواقف المتكررة بتخليك تعاني من نوبات اكتئاب أو ممكن نوبات من الغضب أو القلق،
أو بتخليك تسيطر على نفسك وتوجه لنفسك دايمًا اللوم
وتحس بالتقصير وتبدأ تكون قاسي تجاه نفسك..

والأكيد إنك لو وعيت إن دي مشكلة هايكون في حل ودورك إنك تساعد نفسك وتحاول تخرج من الدايرة دي،

ديه بعض الخطوات اللي تقدر بيها تخرج من دايرة السيطرة..

1- إنك تتتعلم إنك ترفض السيطرة بحزم وبلباقة في نفس الوقت
2- تدرب نفسك على إنك تطالب بحقوقك زي ما بتقوم بواجباتك
3- لما تسمع انتقاد افحصه ومتاخدوش وتتأثر بيه بدون فحص لأن المشكلة ممكن ماتكونش فيك
4- درب نفسك على إنك تعترف بمشاعرك السلبية وماتكتمهاش جواك
5- اغفر لنفسك وغفرانك لنفسك مش معناه إنك قابل الخطأ
لكن معناه إنك هاتغيره
6- حاول من وقت للتاني تاخد أجازة