[walaa farouk]

أيوب الصديق
من الشخصيات اللي دايما نضرب بيها المثل على الصبر
وذكر مثال عنه في العهد الجديد
(رسالة يعقوب 5: 11) هَا نَحْنُ نُطَوِّبُ الصَّابِرِينَ. قَدْ سَمِعْتُمْ بِصَبْرِ أَيُّوبَ
وَرَأَيْتُمْ عَاقِبَةَ الرَّبِّ. لأَنَّ الرَّبَّ كَثِيرُ الرَّحْمَةِ وَرَؤُوفٌ.
لكن تعالوا النهاردة نتعرف على أيوب من منظور تاني
1- أيوب تحت الضعف
يمكن الناس تفكر ان أيوب من طينة مختلفة عنا علشان كده قدر يصبر
لكن الحقيقة ان أيوب كان بيحس بنفس مشاعرنا
لكن اللي سانده انه كان متسمك بكماله وثقته في الله اللي عمره ما خذله
2- أيوب ومقاومة اليأس
يمكن يحسب لأيوب انه تمسك بكماله رغم كل المحاربات
- فقدان ماله
- فقدان أولاده
- فقدان صحته
- معايرة أصدقاؤه ليه
- حتى زوجته وصلت بيها انها كرهت رائحته
لكن قاوم اليأس بالحوار مع الله
3- ايوب ومحبة الله
من محبة الله ليه انه بعت له أليهو اللي كان بمثابة طوق النجاة ليه في وسط أصحابه اللي بينهشوا فيه
اللي اتهموه انه خاطئ ومتكبر وشرير وان ربنا بيجازيه على كل افعاله الشريرة
لكن وجود أليهو كان انقاذ لأيوب من تجربة امتدت حوالي 30 سنة
تعالوا نطبق اللي اتعلمناه
1- مها كان ضعفك تمسك بالله القوي فهو يقويك
مهما زاد مرضك وفقدت الأمل في الأطباء يوجد إله المستحيلات الذي يعمل بأقل الامكانيات
2- لا تيأس مهما طالت التجربة لأن في كل لحظة تتحملها يزداد اكليلك عند الله
3- تأمل يد الله معاك انه يبعتلك ناس تخفف عنك حتى لو بكلمة
وحاول وحاولي دايما تخففي عن المجرب وبلاش موضوع كلنا عندنا تجارب
يكفي كلمة طيبة تخفف بيها ولا تستهين بتجربته
يعني طفل ممكن يتعب جدا ويزعل جدا لو لعبته اتكسرت
زي كده المجرب هو حاسس انه تجربته فوق الطاقة