[walaa farouk]

ياريتني ابقي شبه يوحنا..
الهادي جدا ، اللي قلبه كله حب صافي اوووي ❤️
بيموت في المسيح.. بيحبه من قلبه اوي
حب حقيقي.. وصامت جدا

لا له في الكلام الكتير ولا له في الهيصه ولا بيتفنن في انه يعمل رد فعل مبهر عشان يعجب يسوع او يعجب التلاميذ او حتي الناس..
ولا بيقول حتي بحبك يارب!!
هو مبيقولهاش بس بيعملها

في موقف رهيب يبين قد ايه يوحنا كان مركز في كل حرف بيقوله المسيح وواخده لنفسه :

ولما قال هذا قال له: اتبعني ، فالتفت بطرس
ونظر التلميذ الذي كان يسوع يحبه يتبعه
( يوحنا ٢١ : ١٩-٢٠ )

في الجزء ده المسيح كان بيكلم بطرس اصلا
بس يوحنا قاعد ناسي الدنيا كلها وسامع ومركز في الكلام
كأنه كان بيتقال له هو مش لحد تاني
يوحنا مجرد ما سمع المسيح بيقول لبطرس اتبعني ..
قام وقف وراح ورا المسيح

واخد الكلام علي نفسه هو وبس

حصلت منه بتلقائيه جدا بس بينت عمق الحب اللي مالي قلب يوحنا المسيح

الحب إللي خلي يوحنا هو التلميذ اللي يفضل مع المسيح لحد اخر لحظه ، لانه بيحبه المسيح بجد ، مش عايز حاجة من المسيح ،
عايز المسيح وبس ❤️

الحب الصامت الهادي الصافي الحقيقي جدا
اللي يخلي كل التلاميذ لما يشوفوا يسوع كل واحد يكلمه في حاجة او يطلب منه طلب او يسأله سؤال
الا يوحنا.. يتكئ في حضن يسوع.. يسند راسه علي يسوع ويسكت..

يسكت تماما..
امتي نبقي زي يوحنا ونسكت ؟!

ركز_بس