[walaa farouk]

لما بتتعمد تشوف شخص على إنه مثالي فإنت بترتكب جريمة في حقه .
. لأنك رافض إنسانيته بضعفها ونقصها وتشوهها أحياناً.
لما بتتوهم الكمال وتتوقعه في شخص فده قنبلة موقوتة .
يعني في صدمة كبيرة في طريقها للإنفجار..
هتحصل هتحصل لأن لا مفر من إن الحياة هتظهر عاجلاً أم آجلاً البعد الناقص من شخصيته ..
الصدمة دي هتقفلك منه وتوقعه من نظرك لا مفر
لأن اللي بيتوهم الكمال عمره ما بيعرف يتعامل مع اكتشاف النقص بوعي.
يعني انت بتخيلك للمثالية والكمال في شخص ما..
بتحكم على علاقتكم بالخراب مقدماً وهو مالوش ذنب طالما لم يدعي المثالية.
لما أغلط قدامك .. لما يبان ضعفي وخوفي وخطيتي
فجأة فتلاقي نفسك قرفان مني وصورتي انطفت في عينيك ..
يبقى انت ظلمتني.