[walaa farouk]

موسى النبي
معنى اسمه المنتشل من الماء
من الشخصيات اللي مهما اتكلمنا عنها مش هنقدر نلم كل الفضائل اللي نتعلمها منه
لكن نحاول ناخد بعض الفضائل في حياة موسى النبي
1- موسى الكليم
تخيلوا كليم الله مش بيعرف يتكلم ثقيل اللسان علشان ينطق كلمة يتهته
لكن ربنا اختاره علشان يكون كليم الله
2- موسى الحليم
كان مسئول عن شعب قاسي وعنيد وصبر وكان حليم جدا
لدرجة انه قيل عنه انه لا يوجد في الأرض أحلم من موسى
3- موسى الشفيع
لما ربنا حب يختبر قوة احتماله وحلمه وقال الرب لموسى دعني افني الشعب واقيم منك نسلا
وقف وتشفع من أجل الشعب وقال امح اسمي من سفرك لانه شعر انه مسئول عن الشعب
4- موسى البسيط
برغم كل عظمة موسى لكنه كان يمشي بعصا من خشب وربنا عمل بيها عجائب
تزوج بإمرأة سوداء لدرجة ان اخوه هارون واخته مريم عايروه بيها
واصيبت مريم بالبرص وصلي من أجلها علشان ربنا يشفيها
تعالوا نطبق اللي اتعلمناه
1- ربنا مش منتظر منك كلام مرتب في الصلاة
كلم ربنا بدالة الأبوة واحكي معاه مشاكلك
وماتقولش انا مش عارف حاجة ولا انفع في حاجة
ربنا بيحب يعمل في الضعيف والمرزول وغير الموجود
2- اطلب دايما من ربنا انه يعطيك الاحتمال والصبر
لأن بصبركم تقتنون انفسكم
3- ان اردت ان الله يستجيب لصلاتك ، صلي من أجل غيرك
4- عيش حياتك ببساطة ولا تسعى ان تلبس وتأكل اغلى الأشياء لئلا يكون ملبسك وأكلك أغلى منك