[walaa farouk]

الكتاب المقدس كتاب قريب مننا ومن كل حالاتنا اللي بنشعر بيها،
وبنشوف في قصة يونان اكتئاب وراه سبب يمكن مننا ناس كتير مرِّت بيه
وهو الاكتئاب الناتج عن الغضب والاحباط
الكتاب المقدس ورانا ازاي يونان غضب بعد ما فقد "اليقطينة"
اللي هي كانت زي ظل بالنسبة له وحاجة مهمة جدًا لدرجة انه قال كدا: "فَالآنَ يَا رَبُّ، خُذْ نَفْسِي مِنِّي، لأَنَّ مَوْتِي خَيْرٌ مِنْ حَيَاتِي»." (يون 4: 3)

الله ماوبخش يونان عن مشاعره لكن سأله سؤال عشان يعبر اكتر عن مشاعره

"فَقَالَ اللهُ لِيُونَانَ: «هَلِ اغْتَظْتَ بِالصَّوَابِ مِنْ أَجْلِ الْيَقْطِينَةِ؟» فَقَالَ: «اغْتَظْتُ بِالصَّوَابِ حَتَّى الْمَوْتِ»." (يون 4: 9)

الله عارف ان يونان غضبان بسبب اليقطينة ولكن سأله عشان يونان يدرك ايه اللي ورا غضبه وغيظه،
وبعد ما عبّر عن مشاعره بقى أهدى فا قدر يسمع الله وهو بيواجهه بعدم منطقية موقفه.

عبّر عن مشاعرك والله دايمًا حاسس بيك ومقدر كل حالة انت بتمر بيها،
وافتكر ان أعظم الشخصيات مرّت بحالات اكتئاب حتى ولو ماتذكرش ان الحالة دي اسمها اكتئاب ولكن بيظهر لينا انه اكتئاب شديد ولكن عدوا واتشفوا زي ما انت كمان هتعدي❤️