[Mary Naeem]

سألونى مرة امتى شوفت المسيح ؟







₩ قولت لهم :
₩ شوفت المسيح لما كان فيه حد فرحنى لما كنت زعلان .
₩ شوفت المسيح لما كان فيه حدسامحنى و غفرلى لما كنت غلطان .
₩ شوفت المسيح لما كان فيه حد اخدنى فى حضنه لما كنت تعبان .
₩ شوفت المسيح لما كان فيه حد عزانى وطبطب على ومسح لى دمعتى لما كنت فى عز الاحزان .
₩ شوفت المسيح لما كان فيه حد غطانى لما كنت بردان .
₩ شوفت المسيح لما كان فيه حد دافع عنى وسترنى وانا فى عز الخطية وكنت عريان .
₩ شوفت المسيح لما كان فيه حد بعتلى رسالة وافتقدنى وسال عنى بعدما كنت فى طى النسيان .
₩ شوفت المسيح لماكان فيه حد مد لى ايده بالاحسان وانا فى اشد الاحتياج وفى اليأس وحلان .
₩ شوفت المسيح لما كان فيه حد زارنى لما كنت مريض وعيان .
₩ شوفت المسيح لماكان فيه حد شجعنى بقوة علشان انسى الماضى واطلع خطوة لقدام .
₩ شوفت المسيح لما كان فيه حد مسك بايدى وقالى اوعى تيأس وخلى عندك ايمان .
₩ شوفت المسيح لما كان فيه حد ابتسم لى وانا متألم وقالى ما تخفش مسيرها تعدى بسلام .
₩ شوفت المسيح لماكان فيه حد قالى كلام ايجابى فى وقت فيه كل اللى حوالياكانوا بيكسروا فى بالكلام .
₩ شوفت المسيح لما كان فيه حد شافنى وانا فى عمق الخطيه وقالى كلنا بنغلط ... قوم قدم توبة واللى جاى احلى وكله ها يبقى تمام .
₩ شوفت المسيح لما كان فيه حد ساندى بصلاته فى وقت كنت نسيت فيه الصلاة من زمان .
₩ شوفت المسيح لما كان فيه حد ساعدنى ان اشوف ان الدنيا لسه فيها حنطة بعد ماكنتش شايف فيها الا الزوان .
₩ شوفت المسيح لما كان فيه حد كان حزين لحزنى ولفرحى كان فرحان .
₩ شوفت المسيح لما كان فيه حد ادانى ودن وقلب علشان يسمعنى وهو مشغول وبدون مقابل وانا فى عز الحرمان وفاقد الامان .
₩ شوفت المسيح لما كان فيه حد خايف على وبيسعى لخلاصى وعرض نفسه للذل والهوان .
حقيقى شكرا لكل واحد بيعمل كده علشان يخلى غيره يشوف المسيح فى شخصه .
###############################################
₩ انت ابن للمسيح خلى الناس تشوف المسيح فيك
₩" ولكن شكرا لله الذى يقودنا فى موكب نصرته فى المسيح كل حين ويظهر بنا رائحةمعرفته
₩ فى كل مكان لاننا رائحة المسيح الذكية لله فى الذين يخلصون وفى الذين يهلكون 2 كو 2 : 14 ،15 "