القصيدة دى لا أقصد بها أى شخص ولكنها مجرد تجمع الأفكار فى رأسى
قصيدة قلبك لسة مكسور
فاكرة صاحبك لما
خدعك الكدب اللى قاله .وجماله خد عينك
وبقى واحد من اللى خادعينك
والدمع هد عينك
فاكرة لما قولتلك ان اصحابك من غيابك بيهينوا فيكى
وقدامك معليينك ورافعيينك
وفضلوا كبار فى عينك
أصلك بتعشقى اللى بايعينك
وهتفضلى زى ما انتى بعينك
لا انتى عارفة تركزى ولا تميزى
بين اللى بيقل قيمتك واللى شايف مكانك عالى
ولسة بتمثلى الكبرياء والتعالى
ولسة عينك واخدة شكل الغرور
مع ان قلبك لسة مكسور
بقلم الشاعر أيمن نادى اسحق