[Mary Naeem]

المسافات الآمنة






المسافات زي النار ، تقرب قوي تتلسع و تتحرق ، تبعد قوي تبرد و تتجمد ..
برضه المسافات و العلاقات مع الناس ، محتاجة تكون مدروسة و محسوبة و حكيمة ومتوازنة ..
اوعي تخدم الناس لدرجة انك تتدخل في كل تفاصيلهم و تعملهم كل حاجة ..
اوعي تعود اللي حواليك علي الاعتمادية علشان لا تخنقهم و لا يخنقوك ،
او يحصل بينكم ملل و جمود ، أو عشم و زعل و تحاملات،
او يستنزفوك ، أو يحصل استنساخ نفسي بينكم..
كمان اوعي تبعد لدرجة انقطاع الود و التراحم و البرود و الجمود ..
حكمة علمتها لي الحياة، أن العلاقات زي المسافات ،

تقيسها كل شوية علي مقاسك و مقاس الناس ،

علشان لا تتعَب و لا تتعِب ، و علشان تريح و ترتاح ..