[walaa farouk]

لأن_الرب_قال_له_سب_داود !
مرة من المرات داود الملك كان ماشى وسط رجالته وشعبه
، وعبيده يمين وشمال ، وابطال جيشه الجبابرة حواليه 💪
وفجأة طلع واحد أحمق من بعيد اسمه ( شمعى بن جيرا )
وقعد يسب ويلعن داود الملك ويحدفه بالحجارة ويتهمه بكلام باطل 🤔
ف الوقت ده كان ممكن داود يتصرف ك ( ملك )
وك ( رجل الله) تصرف شديد جداً مع الاخ شمعى
لكن ماحصلش كده ! .... وف نفس الوقت برضه واحد من ابطال جيش داود اسمه ( ابيشاى ) طلب منه يروح يقتل شمعى و يقطع راسه ...
... لكن برضه داود رفض وقال له ... عبارة عظيمة جداً .. :
( دعوه يسب ... لأن_الرب_قال_له_سب_داود )
ده كان مبدأ داود ف الحياة ... ان اى إهانة او شتيمة او كلام بطال
... هو #بسماح_من_الله
عشان كده ماكانش بيجاوب الشر بشر ..
. او الشتيمة بشتيمة ... ( مع انه كان يقدر يعمل كده كويس جدا ...
كان يقدر 💪 لكنه كان بيسامح &#128076
كتير مننا بنقابل مواقف زى كده ف حياتنا
( اهانة ... ظلم ... كلام بطّال ... شتيمة وسباب ...تشهير ... ادانة ) ... لكن !
👈 لو اتعلمت تقول زى ما داود قال :- ... الله قال ل فلان اعمل كده ...
👈 ولو اتعلمت تتصرف زى ما داود اتصرف ... وسامح عدوه ...
👈 ولو فهمت زى ما داود فهم ..
. ان اقصى حاجة ممكن تتدبّر ليك هى ف الاخر ب ارادة الله
ساعتها هاترتاح جداً 👌 وتتطمن جداً 🙏 وتفرح جداً 😃