[Mary Naeem]

الدنيا فيها ناس وناس







فيها ناس زي الجرايد، ليها تمن بس يوم ما تقابلك ، تشدك تشتريها و بعدين تئدم وتبقي ملهاش لزمة و لا ليها مكان..
وناس زي الحديد ، تشيل و تصمد، لكن مشاعرها جامدة، و كلامها عنيف ، تعرفها وقت ما تحتاجها فتسندك ، لكن عشرتها تقيلة وقلبها ناشف ..
وناس زي المية ، تروي وترطب ، خفيفة
ولذيذة، تنفع مع كل موقف ، ومهما عملت سهل تسامحها، ما تسيبش بقع !!
وناس زي الخشب ، شكلها حلو وحنينة في حملها ، لكن تنكسر مع اول تجربة، و ما تشيلش أحمال كتير ..
وناس زي الزيبق، هرابة، تفلت منك و ما تعرفش تلاقيها إلا بمزاجها ، و تجري منك عند اول مصلحة ..
وناس زي التراب ، تترب اي مكان، ما لهاش تمن ، منين ما تروح تضر و تتعب و تعفر ..
وناس زي الدهب ، معدنها اصيل و تمنها فيها ، غالية وتغلي اللي يعاشرها، عمرك ما تندم انك عرفتها و مهما غبت عنها اصيلة و أمينة عليك
وعلي حبك..