[walaa farouk]

انجيل متى
الاصحاح الثالث

معموديه يسوع المسيح مت3 : 13-،17

يسوع الخالق جه ليوحنا المخلوق يطلب المعموديه!
بالتصرف الطبيعى منعه وقال "انا محتاج ان اعتمد منك وانت تأتى الي!"
انا لسه قايل مش مستحق احمل حذاء رجليك تخلينى احط ايدى عليك!!
ده كله طبيعى ده كله مفهوم..
الفوق الطبيعى ان يسوع يرد ويقول "اسمح الان ﻷنه هكذا يليق بنا ان نكمل كل بر"
يسوع متعمدش لنفسه هو مش محتاجها هو بيرسم خطه خلاصنا باتقان.
.يتقال عنه فى كل افعاله" هذا الذى من اجلنا ومن اجل خلاصنا...."اى فعل"....
التفكير البشرى الطبيعى المحدود كان ممكن يعطل الخلاص..
التدبير الالهى فوق الطبيعى غير المحدود بيرسم خطه الخلاص باتقان..
وعشان كده يخرج يسوع فينزل الروح فى شكل حمامه وصوت الاب من السماء
قائلا"هذا هو ابنى الحبيب الذى به سررت"
فعلا يسوع هو موضوع سرور الاب وتهليل الملائكه وخلاص البشر!!
انت الابن الوحيد المفرح المخلص منفذ التدبير الالهى
انت بتواضعك خلصتنا وفرحتنا وعملت لينا قيمه..
انت يا يسوع ابونا واخونا البكر... عايزين نبقى شبهك نمشى على الرسمه
بالضبط عشان يتقال عننا " لأَنَّ الَّذِينَ سَبَقَ فَعَرَفَهُمْ
سَبَقَ فَعَيَّنَهُمْ لِيَكُونُوا مُشَابِهِينَ صُورَةَابْنِهِ، لِيَكُونَ هُوَ بِكْرًا بَيْنَ إِخْوَةٍ كَثِيرِينَ." رو8: 29