[walaa farouk]

برسيس
ورد اسمها فقط في رسالة بولس الرسول إلى أهل رومية
سلموا على برسيس المحبوبة التي تعبت كثيراً في الرب (رو16: 12)
شخصية يمكن محدش يعرف عنها حاجة لكن بولس الرسول المشجع والمظهر لفضائل تلاميذه اظهرها علشان نتعلم منها
1- برسيس الأخت الخادمة
برسيس ليها اختين ذكروا قبل اسمها في نفس الآية
سلموا على تريفينا وتريفوسا التاعبتين في الرب. سلموا على برسيس المحبوبة التي تعبت كثيراً في الرب (رو16: 12)
برسيس هي الكبرى لكن اختارت انها تكون في الاخر
خدمت بيتها وخدمت الرب
2- برسيس الباذلة
قيل عن اخوتها انهما تاعبتين في الرب يعني مازلوا بيتعبوا ويخدموا
لكن قيل عنها انها تعبت كثيرا في الرب
يعني خدمت لدرجة ضعف جسمها او المرض مثلا
تعبت وبذلت ذاتها من أجل الخدمة والبيت
3- برسيس المحبوبة
محبوبة علشان خدمت بامانة
محبوبة علشان متضعة وناكرة لذاتها
محبوبة اننا لولا بولس الرسول اعطاها السلام في رسالته مكناش عرفنا عنها حاجة
خدمت بكل أمانة واختفت
منتظرة المكافأة من أبوها السماوي
تعالوا نطبق اللي اتعلمناه
1- اهتم انك تكون خادم في بيتك لانهم مسئولين منك
لا تنتظر كلمة شكر ولا تقدير اخدم خدمتك والله يجازيك
2- على قدر طاقتك اخدم ربنا لأننا مهما عملنا مش هنوفي ربنا حقه
اعطي خدمة ربنا الأولولوية وهتشوف ان ربنا يعطيك بسخاء اكتر مما تطلب
3- قدم غيرك في الكرامة هتلاقي ان الله يعطيك كرامة في عيون الكل
صلوا من أجل الخدمه