[Marina Greiss]

عايزين نعرف إيه هى المجمرة أو الشورية؟؟؟
وعايزين كمان نعرف شكلها إيه ومعناه إيه؟



شكل المجمرة أو الشورية..



المجمرة أو الشورية يا أولاد بتتصنع من المعدن يعنى غالبآ من الفضة أو النحاس ونادرآجدآ من الدهب...

ودى يا أولادى بتكون زى ما إحنا شايفنها على شكل إناء أو كوب بنحط فيه الفحم وبعد كدة بنحط البخور اللى بنشوفه فى الكنيسة وبيكون ريحته حلوةخالص.

والشورية ليها يا أولاد ثلاث سلاسل بيحملوا الاناء زى ما إحنا شايفين
كدة فى الصورة اللى قدامكم.وكمان ليها قبة وفوقها صليب.

وفى حاجة مهمة خالص يا اولاد هى ان المجمرة بترمز فى كنيستنا القبطية
للعدرا مريم ...

والسلاسل الثلاثة دى يا اولاد اللى يلتقوا كلهم فى حاجة واحدة دول بيشيروا للثالوث القدوس الواحد فى الجوهر.
وفى السلاسل يا أولاد فى حاجات كدة إسمها جلاجل دى لما أبونا بيبخر بالشورية بتعمل صوت علشان ينبه الناس للصلاة.

وفى آخر السلاسل من فوق خالص فى جزء كدة اسمه الخُطاف
وجزء فيه جزء مُدلى
ودة بيشير لتنازل ربنا وتجسده علشانا.

والقبة اللى موجودة فى المجمرة او الشورية تشير للسما اللى موجود فيها
عرش الله.

وعلى فكرة يا اولاد المجمرة او الشورية محدش يبخر بيها غير أبونا الكاهن بس.

كدة الشرح خلص...
عرفتوا إيه هى المجمرة أو الشورية؟