[Marina Greiss]

بابا قال : النهاردة هنروح النادى .. نغيّر جو ونقضى وقت هادى , بس بشرط من غير شغل عفاريت وشقاوة.. سامعنى .. مش عايز تنطيط فى النادى..!!!

لقيت أصحابى فى حمام السباحة وأنا قاعد جنب بابا بأكل ساندوتش...
قلت : إشمعنا أنا قاعد جنب بابا زى المسكين , وهم فى حمام السباحة هايصين!!!!!!!!!..

لقيت هدوم كتيرة محطوطة .. قلت أكيد بتاعتهم..رُحت عملت حفرة , ودفنتهم بالأرض, ورجعت قعدت جنب بابا بكل براءة وقلت له :
أنا كنت بتمشى شوية !

وشوية ولقينا الدنيا غيمت حوالينا , والنادى كله سكت وبيبص علينا, وراجل ضخم عملاق هو وأصحابه وعينه بتطق شرار, أصل الهدوم كانت بتاعتهم !!!
ودول ما بيعرفوش هزار!!
مش هاحكيلكم عن كمية الضرب اللى فى جسمى.. أنا كل اللى مضايقنى إنه حتى السندوتش ضربوه !!!!
ودا كان جزاء اللى يتشاقى .. ويكذب ..
ويعمل مقالب فى غيره.