[walaa farouk]

في آية في سفر الأمثال بتقول:
"المكثر الأصحاب يخرب نفسه،
ولكن يوجد محب ألزق من الأخ"

يعني إيه الكلام ده؟
ببساطة يعني الشخص اللي بيبقى عنده علاقات كتيرة قوي
غالبا بتكون سطحية.. بيكون ليها مشاكلها ومتطلباتها
والطاقة اللي بتستنفذها منه،
وبالتالي ده بيسبب للشخص قدر كبير من الضغط
من ورا العلاقات الكتير قوى اللي مش مفيدة دي
سواء في المجهود اللي أكبر من طاقته،
واللي بيبذله علشان يحتفظ بالعلاقات دي،
أو ضغط من التوقعات اللي الناس دي مستنياها منه!
علشان كده باقي الآية بتقول
إن حتى لو مالقيتش غير صديق واحد بس أمين ومحب،
ده هيكون كافي جداً وسبب دعم كبير ليك كما لو كان أخوك فعلاً.