[walaa farouk]

يا تري احنا في حياتنا ماشيين ازاي؟؟
بناخد قرارتنا منين ؟ و مين بيوجهنا؟
هل عندنا فكر ناحية المستقبل ؟ بنهتم نطور نفسنا ؟
قريت قصة احمد حلمي النهاردة علي الفيس بوك
و كان جايب صفر في ثانوي و بعدها جاب 50 في المية و دخل معهد فنون مسرحية و النهاردة ذو قيمة فنية و شخصية مشهورة جدا ..
المستقبل مش درجات .. بتحصر نفسك فيها.

و من هنا جه فكر اسمه ...
سياسة القطيع
ابوك محاسب هتطلع محاسب
ابوك دكتور هتطلع دكتور
ابوك مهندس لازم تبقي مهندس
صيدلي يبقي مين هيقف في صيدلية ابوك

الحقيقة اكتشفت من فترة اننا كنا مغيبين و عشنا مرحلة. ( القالب )
بنحط نفسنا في قوالب معينة ..
وضع الاهداف من البداية مكنش موجود.
حصرنا الاستقرار في الجواز و اللي مش متجوز يبقي مستقرش ..
حصرنا الشغل في وظيفة الحكومة
و هي الامان مع انك بتبقض ملاليم.. و هكذا

اتبعنا سياسة القطيع .
. و ايه الاسباب اللي بتخلينا علي نفس نمط الاخرين ؟؟
نحن نعتقد 😉😉 و خالي بالك ( نعتقد ) و الاعتقادات دي غلط بس بتحركنا و بنظن انها صحيحة..
1- الخوف من الفشل
2- عدم التعود علي اجتياز تجارب
3- قلة الظروف و الامكانيات
4- الاستسهال .. مش لسه هبني لنفسي مستقبل .. لسه هتعب !!
5- الطاقات السلبية مني او من الاخرين ( يعني اللي قبلك عملوا ايه )

يترتب عليه:
1- الروتين و الملل
2- ضعف الامكانيات المادية لانك ارتضيت تفضل زي ما انت
متتغيرش و متطورش نفسك
3- ضمور الابداع. زي العضلة اللي متشغلهاش مع الوقت
يحصلها ضمور و زي العربية اللي متتحركش من مكانها تصدي
4- فقدان الهدف .. مفيش دافع
5- التسليم للامر الواقع

اياك ان تتبع سياسة القطيع .. لانها فاشلة ..

التخلي عن سياسة القطيع
1- اكتشف نفسك و قدراتك
2- موهبتك مهمة ممكن تكون مصدر لمعيشتك
3- كن طموح ليه متبقاش حد مشهور
4- اشتغل و اكتسب خبرات
5- لا تكتفي بكلمة الاستقرار فهي كلمة عبثية
6- اعمل بيزنس
7- اتعلم شئ جديد