
11 - 08 - 2020, 09:57 PM
|
|
|
..::| الإدارة العامة |::..
|
|
|
|
|
|

كنت عارف ان فيه في الدنيا شر و ظلم ، و ما كنتش أعرف أن فيه ناس قلبها اسود للدرجة دي ..
ما كنتش أعرف أن قايين لسه ما ماتش، لسه عايش بيننا و كل يوم بيقتل هابيل
، اللي ما عملوش اي حاجة ، بس لمجرد الغيرة العميا اللي تخليه يدبحه و هو من لحمه و دمه ..
ما كنتش أعرف أن فيه ناس بتشيل الحقد و الغل جواها بالشهور و السنين،
و انهم بيشربوا الكره زي ما بيشربوا المية.. و بيمثلوا البراءة قدامك و من وراك يحبكوا المؤامرات..
ما كنتش أعرف برضه أن فيه ناس ما بتعرفش تحب مهما حاولت ،
و قلبها مليان غل و انتقام و عمي ..
قلبها الأسود يخليها تتمني الشر للكل و يمكن حتي لنفسها ،
و لا بتعرف تحسن و لا تسامح ، تصرفاتها مرة و كلامها أمر من المرار ..
لكن أعرف أن ربنا بيدافع عن ولاده من غير ما يطلبوا ،
و انه بيسيب الظالم شوية علشان يكمل مكياله علشان وقت الحساب ما يبقي لوش حجة..
و ان حساب الشرير العادل جاي جاي ارض و سما ،
و أن تعويضاتك انت بالخير اضعاف جاية جاية ارض و سما ..
اطمن.. الهك حي ..
|