الموضوع: جبر الخواطر نعمه
عرض مشاركة واحدة
  رقم المشاركة : ( 1 )  
قديم 26 - 07 - 2020, 09:17 PM
الصورة الرمزية walaa farouk
 
walaa farouk Female
..::| الإدارة العامة |::..
الأوسمة و جوائز
بينات الاتصال بالعضو
اخر مواضيع العضو
  walaa farouk متواجد حالياً  
الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 384,400
افتراضي جبر الخواطر نعمه
جبر الخواطر نعمه

⭕️بكام ياست شروة السمك دي على بعضها!!

⭕️ كلهم يابني!!

⭕️أيوه كلهم كلهم...

⭕️ كلهم يابني على بعضهم كدا مممممم ب٢٥٠ جنيه عشان عايزه أروح..وخلي عنك خالص.

⭕️ ٢٥٠ ايه ياست انتي مش عايشه معانا...محدش بقى لاقي الجنيه...خليكي حنينه كدا ..

⭕️ صدقني يابني انا من صباحية ربنا وانا قاعدة بيهم كدا في الشمس
وعاوزه اروح لعيالي...خدهم ب ٢٢٠ جنيه.

⭕️ ياست انتي فكراني أفندي!😄...دول اخرهم ١٥٠ جنيه ..
.وابقى مكارمك كمان...عشان تروحي من الشمس.

⭕️يابني انا شارياهم من الصيادين ب ال١٥٠ جنيه وبسترزق منهم..
هات ٢٠٠ جنيه والله يباركلك في عيالك.

⭕️بقولك ايه هما ١٥٠ جنيه ..هتاخديهم ولا أمشي!!
وهترجعي بيهم اصلا ...خلاص الوقت راح والدنيا هتضلم عليكي...ها!!

⭕️خلاص يابني هات ال ١٥٠ جنيه ويعوض ربنا عليا..🤲😢

🔴 اخذهم البطل المغوار ب ١٥٠ جنيه ورجع رافع راية النصر ودخل بيته ،
،، وقابلته مراته وخدت منه السمك وقالتله ماشاء الله ايه دا كله!

قالها تصدقي ان كل دول ب ١٥٠ جنيه!! قالتله لا ماتهزرش !! قالها زي مابقولك كدة ...
قالتله ازاي دا الكيلو بس في الهايبر بخمسين ودول مايقلوش عن سته سبعه كيلو!!!
قالها عيب عليكي انتي مش متجوزه اي حد.... انا محدش يضحك عليا!!!

🔴 ولنا هنا وقفة...
في حاجه اسمها جبر الخواطر الست دي من صباح ربنا لاخر اليوم
عاوزه تجيب عشره عشرين جنيه لولادها وربنا اعلم ممكن تكون بتربي ايتام ومش عوزه تمد ايدها للناس وهي
افضل من الف شحات بيلف يطلب من ده وده
اي جنيه....
النهايه
اعتبر نفسك بتتصدق عليها وبتساعدها
جبر الخواطر نعمه
ذهبت صباحا ومعى 100 جنيه اعطيتها للست وبقوه اعطيت لها ال 100 جنيه
رد مع اقتباس