[walaa farouk]

اللي تزعل او تخاف منه مفيش أحسن منه ..

لو حد ظلمك، أو اتجبر عليك و ما عرفتش تاخد حقك بكل الطرق
لأنه مستقوي نفسه عليك و مستضعفك
أو حتي لأنك مؤدب زيادة و مش بتاع مشاكل ، اوعي تزعل و لا تتقهر ..

فيه قوانين الهية في الكون حتي لو ما حدش نصفك ح تنصفك و لو بعد حين ،
وفيه خطة سماوية معمول فيها حلول سابقة التجهيز للتعامل مع الظالم و لإرجاع حق المظلوم ..

طبعا ده مش معناه ما تطلبش حقك .
. لكن يا ما الحقوق بتروح وسط عالم قاسي و ناس ظلمة و قلوب سودا ..

حاجة تاني .. انت غلطت و اتسرعت و خدت قرار مندفع .. اوعي تزعل
لأن ربنا برضه عامل حساب غلطاتك و حاطط لك خطط بديلة تطلع اجمل خير من أسوأ موقف ..

راجع قصة داود لما شاول ظلمه مرات نصفه و رجعله الملك ..

و حتي لما هو غلط مرات تاني ، و ابتعد عن ربنا و ارتكب الخطية مع بثشبع .
. و في مرة تانية اتسرع و عد الشعب مرة تاني ..

في كل ده ربنا كان بيلم و بيلحق وراه ، و يرجعه اعظم من الاول حتي في سقطاته..

طبعا ده مش معناه تغلط و تقول ربنا يصلح..

ده معناه ان ربنا عامل حساب لغلطاتك و عارف انك متحارب و تحت الضعف
و بيشتغل احلي شغل في الوقت ده و يطلع من عيوبك بطولات ..

لما اخوة يوسف رموه في البير مكانش فيه طريقه احسن من كده علشان يبقي عظيم مصر ..

و لما لوط اختلف مع ابراهيم و سابه لوحده من غير سند ربنا وسع املاك إبراهيم اضعاف الاضعاف
و لوك خسر كل اللي ليه في يكون و عمورة ..

و لما موسي غلط و قتل و هرب ، ربنا رجعه احسن من الأول إله لفرعون و كليم الله و كاتب التوراة ..

يبقي لا تخاف من ظلم حد (طالما ما ظلمتش حد ) و لا تزعل من نفسك لو غلط (طالما تبت)

و يبقى اللي تزعل منه او تخاف منه ما يجيش احسن منه ..