الموضوع: تأملات كتابية بالعامية (عظيم ولا صغير)
عرض مشاركة واحدة
  رقم المشاركة : ( 1 )  
قديم 19 - 07 - 2020, 05:48 PM
الصورة الرمزية walaa farouk
 
walaa farouk Female
..::| الإدارة العامة |::..
الأوسمة و جوائز
بينات الاتصال بالعضو
اخر مواضيع العضو
  walaa farouk غير متواجد حالياً  
الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 376,891
افتراضي تأملات كتابية بالعامية (عظيم ولا صغير)
انجيل متى
الاصحاح الخامس

اكمال الناموس مت5: 17-،20


تأملات كتابية بالعامية (عظيم ولا صغير)

يسوع اعلنها انا مش جى اوقف حاجه او ابطل حاجه انا جى اكمل على كلام العهد القديم جى اديكم المرحله الاعمق والاعلى والاعظم بس فى نفس الوقت جى اكملكم انتم جى اخليكم قادرين تنفذوا الوصيه مش جى اديكم بس الوصيه جى اديكم النعمه انكم تنفذوا الوصيه وجى اوريكم بنفسي تتعمل وتتنفذ ازاى..
ده العهد الجديد عهد النعمه عهد الرعايه والعنايه ... هقولكم تعملوا ايه ويتعمل ازاى وهديك القدره انك تعمل وهاعمل اللى هوصيك بيه قدامك...
مش بس كده.. يسوع قالنا مين عظيم ومين صغير..
الصغير اللى مش هيعمل الكلام اللى قاله ومع كده بيعلمه ... بيقول كلام وحياته حاجه تانيه.. تقوى مزيفه .. حياه بوشين... عايز يرضى الناس بكلام ومش عايز يرضى ربنا بافعال حقيقيه.. ده صغير او بمعنى تانى عيل روحيا..
العظيم الكبير اللى ربنا يسوع عايزنا نبقى زيه... هو اللى يعمل الوصيه ويعلمها .. يكون النور جواه وبراه.. هو اتقدم فى الحياه الروحيه وعايز يشد اخواته .. يبقى اسمه عمل وعلم ده عظيم ده كبير.. ده فعلا سراج على المناره والناس تبص عليه وتحاول تبقى زيه اللى هو مثال المسيح..
ربنا يسوع فى الاخر يشاور على الكتبه والفريسيين اللى برهم واضح وكتير ويقول "ان لم يزد بركم على الكتبه والفريسيين لن تدخلوا ملكوت السماوات" معقول يارب !! عايزنى ابقى زيهم او احسن منهم كمان!! ربنا عايزنى ابقى عندى حاجه زياده فعلا.. لازم ابقى زايد فى البر الداخلى .. المحبه .. التواضع.. لازم ابقى حقيقي وبر المسيح الحقيقي يغطينى..
الكتبه والفريسيين بيمثلوا انهم قديسيين.. لكن ربنا عايزنى بالحقيقه قديس.. زى ما هما زيفوا شكل القداسه ونفروا الناس منها.. اكون انا وانت الصوره الحقيقيه بنعمه المسيح لصوره القداسه .. نكون مشابهين صوره الابن المبارك يسوع... نكون يسوع للى مشافش ومعرفش يسوع... كون يسوع خليك عظيم .. بنعمته يخليك زيه!!
رد مع اقتباس