[walaa farouk]

انجيل متى
الاصحاح الخامس

مت5: 33-، 37





ربنا يسوع طالع بالبشريه خطوه خطوه بيعلى مستوانا بيقدرنا نعمل حاجات مكناش نقدر نعملها قبل تجسده..
زى ما مكتوب ان كان احد فى المسيح
فهو خليقه جديده الاشياء العتيقة مضت
هوذا الكل قد صار جديدا 2كو5
الخليقه الجديده بس هى اللى تقدر على وصايا الجبل العاليه..
انت لوحدك متقدرش بس خليقتك الجديده على شبه المسيح تقدر..
اوعى تقاوح وتقول هقدر من غير ما تقبل وتؤمن بالمسيح
تتعمد على اسمه ويتولد انسان جديد كما المسيح..
ربنا يسوع بيقول هنا ببساطه انت متملكش شئ اذن متحلفش بشئ ..
الله مالك السماء والارض .. المسكونة وكل ما فيها ..
ما انت الا وكيل على بعض الاشياء لبعض الوقت..
اذن لا تحلف بسماء ولا ارض ولا اورشليم
.. ولا حتى رأسك لأنك لا تقدر ولا تملك تغير لون شعره واحده فيها.. احساس الامتلاك احساس زائف من ابليس..
احساس ثقه مش فى محلها .. ادى المجد والملك لصاحبه.. لا تدعى الامتلاك فتحلف..
ساعتها بس كلامك هيبقى اه اه او لا لا مفيش انصاص كلام ومفيش مواربه فى الكلام او اى تحوير... الانسان الجديد ملوش فى الاعيب العالم..
ادينى ياربى يسوع افهم انى لا امتلك فلا اتجرأ انى احلف بحاجه مش بتاعتى ولا امتلكها... ساعدنى ياربي يسوع اعيش كما ينبغى زى الانسان الجديد شبه يسوع الابن المحبوب..