[souad jaalouk]

زوّادة اليوم: الثّقة بالقبطان

القدّيسة الزغيرة تريزيا الطفل يسوع بتقول: "في السماوات سيحقّق الله الطيّب كل ما أتمناه، لأنني لم أنفّذ إرادتي الخاصة على الأرض."
بكلمات تانية عم تقلنا تيريز سَلمو حياتكن للرب، اتركوه هوّي يقرّر كل شي...ما بتعيش بسلام داخلي إلّا لمّا توثق بالقبطان اللي عم يسوق سفينة حياتك!
اذا بدّك تخلّيه يسوق و بتضلّ تقلّو كوّع من هون، فوت من هونيك...ما بيمشي الحال! تذكّرو انّو نحنا ما النا شي هون و نحنا زوّار عهالأرض... منسمع كتير بيقولو: حرام ما شاف نهار منيح، كل يوم عندو مصيبة...و غيرا و غيرا و بينسو انّو هالصعوبات منّا إلّا صليب العبور من هون عا نعيم السما! كل وجع الأرض مَنّو شي قدّام وجع البعد عن الله بعدين...الله معكن