[walaa farouk]

التطبيل



كلمة بنسمعها كتير
و للاسف مبقاش حد قادر يميز مفهوم الكلمة ..
الكلمة معناها ان حد بينافق للوصول لهدف معين ..
و لكن الكلمة أصبحت بتتقال في مواقف كتير جدا
و بقيت اقراها كتير و ناخد امثلة :
لو حد بينشر ايجابيات .. بقي بيطبل.
لو واحد بيحب الرئيس بتاعه .. بقي بيطبل.
لو حد بيعمل موقف ايجابي .. بقي بيطبل.
لو حد بيتكلم في الحق ( تخيل ) .. بقي بيطبل.
لو حد بيحب بلده و غيور عليها .. بقي بيطبل.
لو حد بيحب كنيسته تخيل برضوا بقي بيطبل.
من انتشار الكلمة الناس بقت تخاف تعمل الصح ليتقال عليها بتطبل.

الصراحة عمري ما حبيت استخدم الكلمة دي لانك متقدرش تحكم علي نوايا حد ..
و بعض من اللي استخدموا الكلمة دي نماذج فاشلة ..
حيلة دفاعية لعدم قدرتك علي الوصول الي النجاح
فحطيته في شكل ( تطبيل )
ده بيطبل علشان كده وصل ..
يعني المفروض مثلا يبقي فاشل علشان يبقي كويس ؟!
اكيد لا ..

عموما أعمل الصح و ملكش دعوة باراء الناس ..
خليك محترم في شغلك .. وقور .. تحترم قادتك .. تبدي رأيك ..
تشجع الاخرين .. تخدم الكل ..
و في النهاية النجاح متاح لكل مجتهد .. و مش معناه انك ناجح يبقي بتطبل ..
( و ده لا يمنع من وجود شخصيات وصولية تستخدم الفهلوة )
لكن انا مالي و مالهم مش دوري اني أحكم علي حد ..
ركز علي نفسك .. تنجح.