[walaa farouk]

سُمعتُه_سبقاه 😍



كان من "طرطوس و يِقرب "لبولُس الرسول"،
إختاره "السيّد المسيح" علشان يكون واحد من *ال٧٠ رسول* ليكرز بإسمه📢،
و لما كان عايش في "تسالونيكي"، إستضاف "بولُس الرسول و سيلا"
في رحلتهم التبشيرية الأولي، و لمَّا هاج الشعب اليهودي علي بولُس وسيلا،
بسبب ان ناس كتير منهُم آمنت بالمسيح😡، فراحوا يهجموا علي بيت قديسنا
علشان يقبضوا علي بولُس و سيلا لكن مالقيهُمش،
فقبضوا علي قديسنا و اللي معاه و قدموهُم للوالي،
لَكِن علشان كان سيرتُه طيبة و معروف بأنُه مواطِن_صالِح، فأطلق سراحُه

⛔ كان القديس صورة حيَّة للمسيح و أعماله الصالحة تشهد للَّه🙌،
"كان يُمات من اجلُه طول النهار"، إتقبض عليه من أجل الكرازة
و اتسجن مع ٧ لصوص فعلمّهُم، فآمنوا بالإله الواحد و اتقدموا للإستشهاد☝،
و كانت "بنت_الوالي"👸 بتراقِب قديسنا و تراقب عذاباته و قوة إيمانه👀
، فآمنت هي كمان و تنازلت عن كل ممتلكاتها🎁 و إستشهدت علي إسم المسيح👑…
فغضب الوالي😡 و بعت قديسنا لوالي_تاني في جزيرة تانية يتعذب هناك،
فآمن الوالي التاني هو و أهله و أهل المدينة كُلها😍،
و عاش القديس يُعلّم و يُكرِز بإسم المسيح حتي رقد في الرّب بسلام

القديس "ياسون_الرسول"، بَركتُه فَلتَكُن معنا. آمين🙏