03 - 07 - 2020, 08:32 PM
|
|
|
|
..::| الإدارة العامة |::..
|
|
|
|
|
|
ما بين يوسف ( القداسة ) وأولاد عالي الكاهن ( النجاسة )
يوسف رفض إنه يمارس الخطية
، رغم إلحاح زوجة فوطيفار عليه أكتر من مرة...
أولاد عالي مارثوا الخطية كتير، رغم تحذيرات الله ليهم أكتر من مرة...
يوسف كان في أرض غريبة، وقال للشر: لا...
أولاد عالي كانوا في بيت الرب، وقالوا للشر أه...
يوسف كان معروض عليه الخطية في السر، لكنه رفضها...
أولاد عالي خطيتهم كانت معروفة عند الشعب كله،
لكنهم أصروا على ممارستها...
يوسف مكنش عنده وصية صريحة من الله تقوله: لا تزن...
أولاد عالي كانوا حافظين الوصايا العشر عن ظهر قلب...
يوسف كان إنسان عادي...
أولاد عالي كانوا رجال دين...
ده كله يعلمنا ايه؟؟!
إن حياة القداسة مش مرتبطة بسنك ولا ظروفك ولا احتياجاتك ولا معرفتك العقلية... إنما مرتبطة باتجاه قلبك وعلاقتك بربنا ♥️
|