[walaa farouk]

عشان ماتتجننش لازم تعرف ان #مفيش حدكامل
تخيل أن والدك ووالدتك عمرهم ما استخدموا أى أسلوب تربوى خاطئ وهما بيربوك 🤓 ....!!!
طبعاً دا خيال علمي أكيد كلنا واحنا بنتربى أهالينا جابوا للمنطق صرع باساليبهم التربوية
فخلينا نتفق ان مفيش آباء حتى لو كانوا ملتزمين بكل القواعد التربوية السليمة ما بيقصروش أو يغلطوا
مفيش حد كامل 🤔🤔
يعنى تقبل تقصيرك اللى بيحصل أحيانا مع أولادك لأن مفيش حد كامل 🙄🙄
تقبل ان ولادك ينتقدوك أحياناً ما دام بأدب وموضوعية لأن مفيش حد كامل
وبلاش كمان الله يكرمكوا تعيشوا دور الهيرو اللى طول عمره بينجح ف أى حاجه بيعملها، يعنى زى ما بتحكوا لولادكوا لحظات نجاح وتفوق احكوا كمان لحظات الضعف والوجع دا هايخليكوا طبيعيين وهايساعد ولادكوا يتقبلوا لحظات فشلهم وضعفهم وتجاوزها ...ازاى؟...لأنه بيفهم ان سنة الحياة قوة وضعف...مد وجذر...مفيش حد كامل...مش هتقدر تتعامل مع ولادك بطرق سليمة طول الوقت 🤔 ...فخلوا بالكوا وبلاش تعيشوا ف دور انكوا آباء فاشلين 🤦🏻‍♂️ عشان موقف أو موقفين فتعمموهم على تعاملكم مع أولادكم...مفيش حد كامل
وانتبهوا بقى لنقطة مهمة ...ولادكوا وهما بيكبروا بيكونوا محتاجين حد ينتقدوه ويتمردوا عليه أيوااااان ينتقدوه ...أو يرموا اللوم عليه أحياناً
وطبعاً انتوا اللى هايطلع عليكوا الكلام دا...لأنكم ببساطة عملتوه قبل كدا 🤔🙄....لا معلش افتكروا بس كويس
مش كارثة انهم يتحدوك أو يلوموا عليك أحيانا...المهم انك تتقبل دا وتستوعبهم وتعترف بموضوعيتهم لو كلامهم صح 😬او تدافع عن نفسك بحوار مقنع فتزود ثقتهم ف نفسهم 🤓
خلاصة القاعدة دى ف جملة واحدة:
((اعلم أن أطفالك سيوجهون إليك اللوم أو ربما يتحدونك يوماً ما...هذه هى طبيعة الأمور...مفيش حد كامل))😎😎

يبقى عشان ماتتجننش لازم تعرف ان مفيش حدكامل
طب ايه رابع قاعده....؟ 🤔🤔
رابع قاعده عشان ماتتجننش حلوة وهاتريحك كتير والله القاعدة بتقول مش لازم تطبق كل النصايح التربوية اللى بتسمعها