[walaa farouk]

ربنا احيانا بيغيب عنك كأنه سابك بتدور عليه ومتلاقيهوش بتتعب وروحك تحس بعجز ويأس وفشل
.تنادي عليه وكأنه مش سامعك تلجاله وكأنه مخاصمك .بس ف غيابه حكمه
.وبعده عنك ليه سبب "زمان سأله داود وقاله يارب لماذا تقف بعيدا لماذا تختفي في ازمنه الضيق!
ربنا مزعلش من داود وقاله ازاي بتكلمني كده مغضبش عليه ولا عاقبه.
ربنا عارف أن داود تعبان ومرهق نفسيا ومحتاج معونه ورجاء وداود كان عارف ان ربنا مهما اختفي..
هيبان ومهما بعد هيقرب "وعروس النشيد برضوا قالت:في الليل علي فراشي
طلبت من تحبه نفسي طلبته فما وجدته! يمكن يكون ربنا سابك شويه عشان يوحشك
وتحس بقيمته يمكن يكون سابك عشان يقويك النسر لما بيحب يعلم ولاده الطيران
بيرميهم من فوق بيسبهم علشان يتعودوا يطيروا لوحدهم وعضمهم ينشف
ولما يحس أنهم ممكن يقعوا بيلحقهم قبل مايضيعوا ويتكسروا..
ويفضل وراهم لحد مايفردوا جناحهم ويطيروا بين السحاب والجبال.
ربنا لما بيبعد بيفضل مراقبك من بعيد وعينه عليك من اول السنه لاخرها.
ولما بيغيب بيرجع بتعويضات وأفراح مالهاش نهايه صدق انه مسيره يعود♥️
صدق انه هيرجعلك ولو في الهزيع الرابع صدق أن حياتك هتكون. كلها بركه وتعويض
ومراحم الهيه.لو حسيت ف الماضي ب حزن ووحده ومشاعر سلبية
لو قلبك زعلان من ربنا لو دورت ف كل المدينه ومعرفتش تلاقيه لو سألت الناس مع عروس النشيد
"أرأيتم من. تحبه نفسي! لو اشتقت من كتر الصبر
أستعد من دلوقتي لمفاجات ربنا في حياتك يسوع غيابه مبيطولش!♥️