[Mary Naeem]

12 نصيحة ذهبية قبل النزول للشارع

1- عدم النزول من المنزل إلا للضرورة القصوى.
وقال جمال شعبان: "يعني اعتبر نفسك لسه محظور نزولك من البيت نهائيًا إلا للضرورة، خصوصًا مرضى السكر والضغط والقلب والسمنة والأمراض المزمنة".

2- في حالة نزولك للضرورة، يجب ارتداء الماسك، والاحتفاظ بزجاجة كحول في يديك.

3- غسل اليدين بالماء والصابون لمدة 20 ثانية، قبل الخروج من المنزل، ثم تعقيمهما جيدًا بالكحول.

4-عدم تناول أي وجبات من الشارع، إلا إذا كان مكانًا مضمونًا.

يقول الدكتور جمال شعبان: "في الشغل كل واحد له أدواته الخاصة بالأكل والشرب، ومفيش الفطار الجماعي بتاع الصبح دا كان زمان دلوقتي بح خلاص".

5- الحفاظ علي المسافات بيننا، متر ونصف على الأقل.
وتابع جمال شعبان حديثه قائلًا: "الكلام دا بيطبق علي أي مكان انت فيه خارج البيت، سواء سوبر ماركت أو محلات تجارية أو مصلحة حكومية".

6- استعمال مناديل للعطس والكحة، ثم التخلص منها بطريقة آمنة.

7- "مش هنحضن مش هنبوس، ومش هنسلم على حد، خصوصًا أصحابك القدامى وقرايبك، ودا هيستمر لمدة شهور لسه".

8- الأفضل حاليًا عدم الذهاب إلى الأندية الرياضية أو المسارح أو السينما.

9- إذا كنت بتتمرن لوحدك أو مع أفراد قليلة جدًا، يجب الحفاظ على تباعد بينكم لمسافة لا تقل عن متر.

10- ممنوع ارتداء الماسك خلال التمرين الفردي نهائيًا، أو خلال ممارسة أي رياضة بشكل عام، مثل الجري وركوب العجل.

11- عدم شرب الشيشة، لأنها أكثر سبب لانتشار العدوى، طبقًا لمنظمة الصحة العالمية.

12- عدم الذهاب لأي عيادة أو مركز طبي أو مستشفى، سوى للضرورة فقط، مع الحرص على التباعد والتعقيم وارتداء الماسك.