[walaa farouk]

🔴 "معاً بنفس واحدة " ( أع٢ : ١)

🖋يوميات قراءة وتأمل لسفر اعمال الرسل يومياً مع قداسة البابا تواضروس الثانى خلال صوم الرسل .

⭐ (كل يوم تأمل وتفسير مبسط لاية من الاصحاح ) .

♦️الاصحاح ١
" تكونون لى شهوداً فى اورشليم وفى كل اليهودية والسامرة والى اقصى الارض " ( اعمال ١ : ٨ ) .

🖋📖التأمل والتفسير 📖

🔴 دى الخطة الجغرافية اللى وضعها الرب يسوع لتلاميذه من أجل الكرازة .
◾اورشليم : يعنى المكان الداخلى او الموضع اللى انت فيه او الاسرة اللى انت موجود فيها او قلبك الداخلى .
◾كل اليهودية : المجتمع الاكبر ممكن يكون العيلة .
◾السامرة : امتداد الى مجتمع اكبر واكبر الى ان ينتهى الى ◾اقصى الارض : والمقصود بها كل العالم .

❤ فكإن كل انسان مسيحى يجب ان يكون شاهدا للمسيح ، ولقيامة المسيح ، ولصلب المسيح ، ولتجسد السيد المسيح من اجل خلاص كل البشر والشهادة دى بتكون داخلية فى القلب ثم تتسع من الفرد الى الاسرة، الى المجتمع المحلى، الى المجتمع العالمى كله .
هذه الخطة نراها فى سفر اعمال الرسل طول القراءة القادمة .
❤ فترة صوم الرسل هو صوم من أجل الخدمة عشان كدا هنحط قدامنا اننا كل يوم هنصلى من اجل شخص معين او من اجل خدمة معينة ، او من اجل عمل معين موجود فى نطاق الخدمة .
❤انا احب اننا فى اول يوم كل واحد فينا يصلى من اجل اب اعترافه ويصلى ان يعطيه الحكمة والارشاد والمعونة ويعطيه العمل اللى يقدر يمارس بيه هذا السر سر الاعتراف. فسر التوبة وتتويب النفوس عمل ليس سهلا .
❤ولكن نصلى كلنا معاً بنفس واحدة من اجل اباء الاعتراف 🙏 .
#معا_بنفس_واحدة_للبابا_تواضروس_الثاني