[walaa farouk]

🔸اسمه يوحنا بن زبدي واسمه بالعبرية يهوه حنان يعني الله حنان
أمه سالومي وهي احدى أقارب السيدة العذراء
بعض المصادر تقول خالتها والبعض يقول اختها
ولكن الأرجح انها خالتها لأنها رافقت العائلة المقدسة
طول فترة الميلاد والهروب إلى مصر وكانت تعمل داية
اخوه يعقوب بن زبدي
ولد في بيت صيدا وكان سريع الغضب هو واخوه لذلك دعاهم الرب بوانرجس يعني ابني الرعد (مر 3 :17)
هو التلميذ اللي رافق السيد المسيح عند صلبه
وبقى هو والسيدة العذراء عند الصليب
وتسلم السيدة العذراء من الرب يسوع (يوم 19: 26)
بعد صعود رب المجد سنة 62م ترك اورشليم
وبشر في أسيا وكان معظم اقامته في افسس
وكانت برفقته دايما مريم والدة الإله

🔸بشر في ساردس وفيلادفيا واللاذقية وازمير وبرغامس وثياتيرا
ودول البلاد اللي أشار عنهم في سفر الرؤيا
بسبب نشاطه الكرازي قبض عليه الامبراطور دومتيان
وارسله مقيد إلى روما ورماه في قدر فيه زيت مغلى
فلم يؤثر فيه واتغاظ الامبراطور وقرر نفيه لجزيرة بطمس
وهي مكان ينفى فيه المجرمين الأشد اجراما
وكانوا يمارس معاهم اشد أنواع العذاب والسخرة
فضل في الجزيرة حوالي سنة ونصف كتب فيها سفر الرؤيا حوالي سنة 95 م ثم افرج عنه الامبراطور نرفا واصدر مجلس الشيوخ الروماني قرار بعودة جميع المنفيين لأوطانهم
فرجع إلى أفسس يكمل عمله الكرازي
كتب انجيله للرد على الهراطقة اللي بينكروا لاهوت المسيح وسفر الرؤيا وثلاث رسائل

🔸هو الوحيد بين التلاميذ اللي لم يستشهد بل تنيح وعاش حوالي 100 سنة
ويذكر التقليد الكنسي عن بداية مشوار يوحنا في مدينة أفسس
فلم يتقبل أهلها وحدث في يوم ان ابن وحيد لأمه
وقع في مستوقد حمام حاولوا يخرجوه لكنه مات
وتقدم القديس يوحنا وصلي ورشمه بعلامة الصليب
ونفخ في وجهه فقام من الموت فآمن منهم عدد كبير وعمدهم
حتى انه تصدى لمقاومة الوثنيين وامن منهم عدد كبير
في أواخر أيامه كان لا يقدر يمشي كانوا يشيلوه علشان يوعظ
وكان يقول جملة واحدة " يا أولادي أحبوا بعضكم بعضا"

🔸ذكر عنه موقف يبين مدى محبته
كان احد تلاميذه ترك المسيح بسبب اغراءات الوالي
فلما سمع عنه كان بيجري وراه ويقوله " المسيح فداك
ولن اتركك تهلك"
لدرجة انه مسك في رجله وكان تلميذه راكب حصان
واتسحل في الأرض ولم يتركه
وفعلا تلميذه رجع واعترف بالمسيح ونال اكليل الشهادة
بركة شفاعة القديس يوحنا الرسول تكون معنا آمين