[walaa farouk]

في لحظة تغمض عينك وتتنهد تنهيدة طويلة كلها حزن وألم وتتمني اللحظه تطول .......

تنعزل كل يوم أكتر من اللي قبله وتفتكر بداية الحكاية ...
يوم ماخرجت من عزلتك لقلب حضنك بقوة ....
. شالك من عذابك وزرع جواك حياة ...
نسيت الوحدة ونسيت غربة روحك جوا حضنه ومر يوم بعد يوم وفرحة وراها فرحه لحد ماغرقت جوا حاله حب كنت مانع نفسك عنها سنين ....

وتقع وتسيب روحك تغرق وتقول لنفسك وفيها ايه .... ما كل حاجة بتدور حواليا غلط وكئيبة وحزينه وهي دي الحاجة الوحيدة اللي بتديني السعادة وبتنسيني همي .... والحاجة الوحيدة اللي بتطبطب عليا وقت تعبي ووقت يأسي .....

ومن غربه روح جوا اوضه لغربه روح جوا قلب ....
وحب يكبر وتدي بكل طاقتك كل حاجة باقيه منك وطالعه منك ... كل حاجة بتكون بصدق .... كل همك تبعد هموم وتعيش في فرحة .....

اتمردت في البدايه علي حزنك وهربت من دوامه حزن لدوامة حب ....
ويوم بعد يوم تراب الوهم بيتنفض ......بيطير وتبان الحقيقة ...
حقيقة الحكاية اللي كانت من البدايه هروب من الم ....

و من حب يمسح هموم لجبال هموم وقسوة وحب ملهوش نهايه
.... من كتر شوقنا للبدايه ... من كتر ماتعبنا واحنا بندور علي ايد تطبطب ... حبهم جه في الوقت حسينا فيه انه هو العوض والحضن الحنين اللي تعبنا من كتر ماحلمنا بيه ......

ونفوق علي حلم تحقيقه صعب .....
والصعب يكبر ويبقي حاجز .....
بس حاجز ضعيف قدام حب اقوي ..
..يوم الحب يكبر ويوم الحاجز بيكبر ....

حرب ومتاهة وملهاش نهاية ...
لحظة فرح واتنين عذاب ....
ويوم مالعقل يغلب ونفوق للحقيقة بتكون قلوبنا اتدمرت ....
ونرجع من تاني جوا عزلة ....
وعزلة بعد عزلة ....
بقت حياتنا اوضه مهجورة ......
والنهايه مفتوحة .....
لا لينا حق الرجوع ....
ولا لينا حق الصمود .....
وفي االنهايه .... بتسقط دمعه ...
وتفتح عينيك ....