[walaa farouk]

"تطلبني فلا اكون .. " (اي ٧ :٢١ )




آية من اصعب الآيات اللي قريتها في حياتي ..

احساس ان ربنا يطلبنا واحنا مش هنا .. او مش بنفس احساسنا ..
او مش سامعين صوته ذي الاول ..
او معندناش اشتياق اننا نرد عليه ..

صعب جدا لما الانسان يوصل للحالة الروحية دي ..
الحالة دي وصلها ايوب .. وقال لربنا : "تطلبني فلا اكون"

مع ان ايوب كان زمان بيقدم ذبائح كل يوم لربنا ..
وذاق حب ربنا ..
الا انه دلوقتي مش بنفس حبه ولا اشتياقه ..
ولا استعداده انه يكلم ربنا ..

يارب ادينا اذان صاغية .. وقلوب حساسة لصوتك ..
وعقل مشغول دائما بيك ..
علشان مش لما بس تطلبنا تلاقينا .. لا ..
علشان بالاحرى نفضل دائما في حضرتك🙏