[walaa farouk]

ذات يوم ذهب قداسة البابا كيرلس لزيارة بلدة ( دسوق ) التابعة لمحافظة الغربية
ومن حب أهل دسوق للبابا عملوا صوان كبير .... وأثناء جلوس البابا في الصوان حضر أحد أعيان البلد الكبار
( وهو شخص غير مسيحي ) حضر لتهنئة البابا ولما اقترب منه وحاول أن يحتضنه ويقبله ...........
وإذا بالمفاجأة الغير متوقعة
وجد قداسة البابا كيرلس يقول له بصوت عالي :- حاسب ....... حاسب ...ارجع .... ارجع ..............
فتعجب الرجل وصار يضرب كفاً بكف وشعر بالاهانة وقال :-
أما شيخ النصارى ده شخص عجيب ...... بقى انا رايح أسلم عليه يقوم يقول لي ارجع ........... !!! ....
. ده خلى الناس كلها تبص عليّ ...... !!!
ولما رآه أحد المسيحيين هدأ من روعه وأنفرد به وقال له :
- لازم في حاجة وحشة في جيبك ........... ففكر قليلاً ثم قال للشخص المسيحي :-
أيوة فعلاً أنا معايا حتة حشيش ......... : فقال الرجل المسيحي :-
طب روح طلعها من جيبك وروح سلم عليه ........
. وفعلاً خرج وتخلص منها ........ ثم عاد و دخل مرة أخرى وبمجرد أن رآه البابا قال له :
- أيوة كد يا ابني ...... كده بقت ريحتك حلوة ......
.علشان شلت العفن ال كان في جيبك ........ روح يا ابني ربنا يسترها معاك
ولما خرج من عند قداسة البابا وبمجرد الاقتراب من مسكنه
وجد ضباط المباحث في انتظاره وقاموا بتفتيشه .........ولما لم يجدوا معه مخدرات أطلقوا صراحه
وهنا تذكر الرجل أن شيخ النصارى قال له :- روح يا ابني ربنا (يسترها معاك)
وفعلاً ربنا سترها معاه ويقال أن البعض سمعه يقول ينصر دينك يا شيخ النصارى
والسؤال :- أي جهاز أشعه هذا الذي يستخدمه قداسة البابا لكشف الممنوعات ؟؟؟
سر الرب لخائـــــفيه ........... فليتمجــــــــد اســم الرب القــدوس