[walaa farouk]

الوعظ:

هو القدرة على تشجيع الناس وحثهم على العمل في ملكوت الله،
ومن أشهر الأمثلة للواعظين هو القديس برنابا



النبوة والتعليم:
هو القدرة على تقديم كلمة الله بطريقة مرتبة،
وعرض للحقايق الروحية بشكل منظم وده بنشوفه بوضوح في رسايل القديس بولس
وأوقات بيستخدم الكتاب كلمة نبوة، وهو الكلام اللي فيه بنيان ووعظ وتسلية (١كو ١٤: ٣)



التدبير:
هو القدرة على الاهتمام بالأمور الإدارية بشكل جيد
مثل تنظيم الموارد المالية
، وترتيبات الخدمات المختلفة اللي الكتاب بيسميها أوقات خدمة الموائد



التكلم بألسنة:
وده زي اللي حصل يوم الخمسين لما الروح القدس
خلى الرسل يتكلموا بلهجات ولغات ماكنوش يعرفوها بهدف توصيل رسالة الخلاص لكل الشعوب
ترجمة الألسنة: وهي موهبة تابعة لموهبة التكلم بالألسنة بهدف ترجمتها للغة مفهومة



تمييز الأرواح:
هي واحدة من المواهب اللي بيها الشخص يعرف بسهولة
يميز روح الله من أي روح آخر شرير غرضه خداع المؤمنين وابعادهم عن الحق



الشفاء:
والموهبة دي ظهرت بوضوح في الكنيسة الأولى
لما كان الرسل بيشفوا الناس حتى بمناديلهم أو بمجرد ظلهم،
وكانوا بيعملوا قوات ومعجزات بإسم الرب يسوع



العطاء:
وهانلاقي الكتاب المقدس بيحط العطاء كواحدة من مواهب الروح القدس،
وبيطلب مننا إننا نعطي بسخاء وبسرور،
والهدف منها تسديد احتياجات المؤمنين،
والعطاء مش بس مادي لكن ممكن يكون وقت وطاقة ومحبة.



الروح القدس بيغني الكنيسة
بمواهب مختلفة من أجل بنيان المؤمنين،