[souad jaalouk]

زوّادة اليوم: تا ما ننصاب بكورونا لازم نكون قدّيسين ؟

معروف انّو ولاد القدّيسة ريتا كانو مرضى و هيّي خدَمِتن طول الوقت و ما انعَدِت منّن!
القدّيسة الأم تريزا دي كالكوتا خدمت ناس عندن امراض كتير و هيّي ما مرضت.
القدّيس فرنسيس الأسيزي خدم البرص و هوّي ما انصاب بالمرض مع انّو بيعدي.
و غيرن من القدّيسين نفس الشي! شو يعني؟ تا ما ننصاب بكورونا لازم نكون قدّيسين؟ لازم نكون اطبّاء و ممرّضين و نكون بمواجهة مباشرة مع المرضى؟...اكيد لأ! كل واحد من مطرح ما هوّي موجود بدّو يحصّن حالو متل هالقدّيسين بالصلا، بالبعد عن الخطيّة، بالمحبّة، بالقلب النقي، بالصدق، بخدمة الغير بدون مقابل و بكل قناعة...بس تتحصّن من جوّا ما بقا يأثّر شي عليك من برّا! ربنا بيحميك...تذكّرو المزمور 91: لأنّه يوصي ملائكته بك لكي يحفظوك في كل طرقك...الله معكن