[walaa farouk]

عصبي و طبعه عنيف ، اوعي تحكم ..
لو اترويت شوية ح تلاقي عنده ابتلاء مستخبي
، مرض عنده أو عند حد من ولاده أو عيلته
، مشاكل ما تنتهيش في زواجه ، أو أزمة في شغله ما لهاش حل ..

رزق و ربنا باعتهوله، اوعي تبصله فيه .
. خير و ربنا اعطاه يفتح بيه بيوت ناس
و يستر عائلات غلبانة و يداوي عيانين محتاجين .
. أو بيصرف علي حد مريض في اسرته محتاج فوق الطاقة .
. او يمكن حتي ربنا بيشوف مدي امانته و يمتحنه ..
و يمكن لو جالك نفس رزقه انت تتعب و تضل و تعمل الشر ..

يبقي لا تحكم علي طبع حد و لا تبص لرزق حد ..

ما حدش عارف ..

ربنا هو اللي يحاسب كل واحد علي طبعه ،
و يوزع الرزق لكل واحد علي قد حكمته..

و اللي يحكم علي حد يتحكم عليه،
و اللي يبص لرزق حد يتبصله في رزقه..