[walaa farouk]

• دي باباها كان علي وشك الوفاة ، فجأة خبط الباب وجالها العريس المناسب هدية من ربنا في توقيت مهم يسندها .

• وده حكايته انه خرج من ازمات كتير منها ازمة عاطفية صعبة ، فجاتله وظيفة عمره ما يحلم بيها تهون عليه اللي هو فيه .

• ودي ملهاش شريك حياة ، فربنا عوضها بسفريات كتيرة ونجاحات رائعة تديها شبع حقيقي وقيمة لحياتها .

• وده شاب عشريني عمل حادثة وبقي فجأة علي كرسي متحرك ، ولما حكي قصته وازاي ربنا نجاه بقي يوتيوبر مشهور بيتابعه عشرات الالاف .

• ودول نايمين في مكان أشبه بعشة ،
لكن جواهم سلام داخلي فظيع عمرك ما تشوفه في ملوك ورؤساء نايمين في قصور ونعيم .

•• يا صديقي ربنا سبحانه يستحق الشكر والتعظيم والتسبيح لانه مكتوب في انجيله المقدس "يعطي مع التجربة المنفذ"
يعني مع التجربة بيدينا حاجة تهون علينا ممكن شخص ممكن موهبة ممكن نجاح ممكن أسلوب حياة ممكن يحط سلام وفرح عجيب في القلب ميديهوش ظروف او احداث .. فرح مالهوش اي سبب (ودي أعظم معجزة)

المهم لما تشوف حد عنده نعمة في حياته ماتحسدهوش عليها ،
لان ورا النعمة دي فيه ألم رهيب انت ماتعرفهوش .

وسواء تعرفه او ماتعرفهوش اشكر دايما ربنا علي الحاجات اللي مهون عليك بيها صعوبة الحياة .