[walaa farouk]

عزيزي حامل صليب "الثانويه العامه" ...
تحيه طيبه وبعد،،،
كلمتين يمكن يفرقوا معاك ومعاكي في حياتكم...
محدش هيحس بيكم غير ربنا ونفسكم...
تعبتوا؟؟ اه تعبتوا كتير...
عملتوا اللي عليكم؟ اه عملتوا اللي عليكم وزياده...
متضايق طبعاً حقك...
بس تفتكر ربنا خلاص كده دوره خلص معاك؟ لا طبعاً...

"فليروا اعمالكم الصالحه ويمجدوا اباكم الذي في السموات"
مش هيسيبك غير لما تمجد اسمه قدام كل الناس...

"لا تكن إلا فرحاً" مش هيسيبك غير لما يلاقيك فرحان...

"أعلمك وارشدك الطريق التي تسلكها. انصحك. عيني عليك"
مش هيسيبك في طريق هو اللي اختاره ليك
لأنه عارف ان اخر الطريق ده هو الصالح ليك
وهو اللي هيخلي الناس كلها تمجد اسمه لما يشوفوك...

"فَشُكْرًا ِللهِ عَلَى عَطِيَّتِهِ الَّتِي لاَ يُعَبَّرُ عَنْهَا"
مش هيسيبك غير لما تشكره علي اختياره ده لما تفهم
وتستوعب قد ايه هو كان شايف وفاهم وعارف
انك مش هتبقي مبسوط غير فيه...

"كَانَ الرَّبُّ مَعَ يُوسُفَ فَكَانَ رَجُلًا نَاجِحًا"
مش هيسيبك غير لما تقوله يارب طول ما انت معايا
انا هفضل ناجح بيك وليك...

" ها انا معكم كل الايام والي انقضاء الدهر" مش هيسبك أبداً

كل الايات اللي فاتت دي بتلخصلك كل اللي عملوا و هيعملوا معاك ربنا في اللي فات واللي جاي من عمرك..