[walaa farouk]

هو الوحيد الي عارف كويس أنت مريت في إيه ..
هو الوحيد الي شاف توهانك و تخبطك ..
لما فقدت أغلي الناس في حياتك ..
هو الوحيد الي كان جنبك وسط م الكل سبوك ..
فيه الي إتخلي و فيه الي كان جنبك بس مش جنبك ..
لآنه كان صعب يتحمل أو يفهم الي بتمر فيه نفسيتك
و رغبتك في الوحدة ..
وغالباً الناس بتزهق و بتختار الإنسحاب ..
بيقولوا اكيد هيجي وقت وهيقوم لوحده ..
لكن يسوع كان موجود <3
حتي لو أنت مكنتش شايفه و لو مكنتش حاسس بوجوده ..
لكنه كان موجود ... حقيقي كان موجود ..
و شايف و حاسس و سامع كل آنات قلبك <3
بس انت قومت و نجحت في حاجات كتير ....
قدرت تعدي حتي لو قلبك كان لسه مكسور ....
بس كان يسوع سبب ف إنك تكمل ..
ايوه هو <3
هو الي سندك في المادة الصعبة الي مكنتش قادر تذاكرها ..
هو الي نجحك ف المادة الي حليت فيها وحش ..
هو الي بعد ناس عنك مكنتش تتوقع يبقوا بعيد
في يوم بس علشان كنت هتتعب في وجودهم ..
وهو الي قرب منك ناس كانوا بيسندوك و يفرحوك ..
هو الي حل المشكلة الي كانت صعبة ..
هو الي حفظك في آوقات كتير و منع عنك حاجات كتير وحشه انت متعرفش عنها حاجه .. !!
هو الي بيحبك بجمالك و بوحاشتك
مش مستني تبقي حلو علشان تعجبه لأ ....!!
يسوع حبه غير مشروط هو عايزك تبقي حلو
علشان انت تتصالح مع نفسك انما هو في كل حالاتك
وتوهانك و لخبطتك
و أخطائك وعيوبك هو الوحيد الي قابلك بكل حاجه ..
مش بيزهق منك .. عينه دايما عليك هو كمان أكتر حد عارف قلبك ..
حتي تفاصيلك الي بالنسبة للناس تافهه هو بيهتم جدآ بيها ..
هو يستاهل يكون الصديق الألزق من الأخ
و الأب الحقيقي ..
يسوع انت الصاحب و الأب و الأخ و الحبيب
يارب بشكرك لآنك إلهه صالح ..
بشكرك علي صليبك وعلي حبك الآبدي ..
أفتح عيني و خليني أقدر أشوف صلاحك للآبد ..
حتي لو في حاجات مش فاهمها ..
لكن اقولك مش فاهم ليه و مش عايز أفهم يكفيني إنك بابا <3
باركي يا نفسي الرب ولا تنسي كل حسناته ...... !! !!