[walaa farouk]

اللي ما تقعدش معاه في حالة دايم دفاع عن نفسك و افكارك و حتي أخطاءك ..
بيقبلك زي ما انت ، يختلف معاك لكن يحترمك..

اللي لما تقعد معاه تبقي علي راحتك
، ما تزوقش الكلام و ما تخافش انه يفهمك غلط ..

اللي يكلمك بوضوح و صراحة، و عمره ما يلقح عليك كلام او يجرح مشاعرك ..

اللي ما يقعدلكش علي الغلط، و ما يلاحقش بالأسئلة،
و تحس انه بيصطاد كلامك علشان يحاسبك..

اللي و انت معاه تطلع فرحان و كسبان و مليان
و شبعان فكر و عقل و روح و ايمان ..

الناس دي بنشوفها في عمرنا كله مرات قليلة جدا ..

اي واحد غير ده اسمه "معرفة" ، مش صديق و لا رفيق..