[walaa farouk]

يهوشافاط الملك مرة جاله خبر
بيقول ان جيوش ثلاثة عظيمة اتجمعوا عشان يحاربوه
وينتصروا عليه ..
طبعاً المعركة كانت صعبة جداً علي يهوشافاط ومخيفة

احنا كمان حياتنا كلها معارك روحية وجسدية واجتماعية ومالية
، الله حط قصة يهوشافاط ف الكتاب المقدس
عشان يعلمنا ازاي ننتصر ف معاركنا 🌸💪

١- اعرف عدوك : لازم الاول تعرف معركتك مع مين عشان منبقاش متشتتين وتايهين ..

٢- اعترف بعجزك وحطه قدام ربنا :
الخوف والعجز قدام المشاكل الصعبة دي حاجة طبيعية جداً لاننا بشر .. والله دايما بيسند العاجزين واللي محتاجين المعونة ..
اهم حاجة تروح لربنا 🤗

يهوشافاط صلي وقال " ليس فينا قوة امام هذا الجمهور الكثير
الاتي علينا ، ونحن لا نعلم ماذا نعمل ولكن نحوك اعيننا " 🤗🌸
والله استجاب ليه ورد عليه وقاله :
" لا تخافوا ولا ترتاعوا بسبب هذا الجمهور الكثير
، لان الحرب ليست لكم بل لله " 💪
طالما قولتله يارب استلم المعركة فالله بقي مسئول عنها
والله هو اللي هيتصرف..
هل عمر الله خسر معركة ؟!
الموضوع كانك عايش ف رواية و عارف نهايتها ..
لانك عارف بطل حياتك القائد اللي هيقودك للنصرة ❤

رسالة النهاردة : خليك يهوشافاط اللي بيقدم خوفه وضعفه قدام ربنا وثق ف حنانه وقدرته ومحبته ❤🌸💪