[walaa farouk]

كنت بستغرب لية صور اباء الكنيسة الاولي
زي ديونسيوس السكندري وايرينيئوس
ومار اسحق والأباء الكبادوك وغيرهم بيتصور وايديهم اليمين
فيها الصابع الكبير لامس الصابع اللي قبل الصابع الصغير
( الابهام والبنصر) لحد ما لاقيت انها نفس الأشارة اللي السيد المسيح عاملها في صورته برضة ولما رجعت لأباء الكنيسة وكتابتهم لاقيت ان حركة الصوابع دي ليها معاني كتير
- وضع الصوابع دا هو اللي الناس كانوا بيرشموا بيه الصليب مش زي دلوقت الصابع الكبير مع الصابع اللي جنبه ( الابهام مع السبابه)
(كانو بيرشموا الصليب بنفس وضع الصوابع اللي في الصور)
- الوضع دا بيخلي الصابعين اللي فوق (السبابه والوسطى)
عاملين حرف V ودا هو اشارة النصر ✌️
لان الحرف دا في اليوناني هو حرف ال Ν
ودا شكلة في اليوناني [ν] ودا اختصار للنصره والغلبة ( انتصار المسيح علي الشيطان وانه غلب ممكله ابليس بصليبة)
- ثانياً حركة الصابعين بيشير لاتحاد اللاهوت والناسوت
- ثالثاً حركة الصوابع بتعمل شكل حرف اليوتا ودا اول حرف من اسم " ايسوس اخرستوس" [ Ἰησοῦς Xριστός] يعني يسوع المسيح
وبتتكتب كمان مختصرة علي الصورة [Ις Χς]
- الايقونات القبطية بتجسد كل الاحداث اللاهوتيه والعقيديه في كل حركة واختصار داخل الصورة