[walaa farouk]

قليلين بس موجودين..

ما يطمعوش و لا يحسدوا غيرهم علي اللي عندهم،
و لا يستغلوا غيرهم علشان بسطا و طيبين..

لما يخشوا بيت حد يتمنوا له الزيادة ، و يعملوا كتير و يطلبوا قليل ..

يدوا الناس كتير و يرضوا باللي يجي، قنوعين و راضيين و فرحانين.
لو لقوا غيرهم مستغلين ما يعملوش زيهم ، مبادئهم ما تتغيرش..
علشان كده بيكسبوا من الناس احترام كتير قبل الفلوس ،
و الناس من حبهم يدوهم اكتر و يدلوا الكل عليهم ..

عكس اللي عينهم فارغة و طماعين و نهابين ، الناس تتخدع فيهم مرة و يمكن اتنين ،
و بعدين يخسروا ثقة الكل ، يكسبوا في الاول و بعدين يخسروا كتير قوي ..

اللي يحبه ربه يكشف له اللي عينهم فارغة و يعرفه علي الشبعانين
ولاد العز و الأدب و القناعة..

اللي عينهم فارغة ح تفرغ اكتر و ح يخسروا احترام الناس قبل فلوسهم ؛
و اللي عينهم مليانة ح يكسبوا حب كتير و رزق اكتر..