[walaa farouk]

كنت فاكر انها بس بتحمينا من العدوي ،
طلع ان ليها فوايد ما تقلش أهمية عنها ..

طلع انها زي ما حرمتنا من ابتسامات حبايبنا ،
طلع انها بتداري ضحكات مزيفة عند بعض من الناس اللي ياما اتخدعنا فيها ..

و زي ما خلتنا ما نشوفش الوشوش اللي بتدينا أمان و تفرحنا
، برضه طلع انها بتخبي بعض الوجوه ياما صدقنا وعودها ووثقنا في امانتها ..

و طلع زي ما خلتنا ما نسمعش كويس صوت الغاليين علينا ،
طلع كمان انها خلتنا ما نسمعش كمان كلام النفاق و الكذب
و الخداع و الكره ..

كمامة صغيرة ، بس زي ما بتفلتر الفيروس
و تمنع انتقاله لينا ، يا ريتها كمان بتفلتر المشاعر المؤلمة
و الكلام الموجع و تمنع وصوله لقلوبنا الحساسة..