عرض مشاركة واحدة
  رقم المشاركة : ( 1 )  
قديم 24 - 05 - 2020, 01:21 AM
الصورة الرمزية walaa farouk
 
walaa farouk Female
..::| الإدارة العامة |::..

 الأوسمة و جوائز
 بينات الاتصال بالعضو
 اخر مواضيع العضو
  walaa farouk غير متواجد حالياً  
الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 383,741

هو احنا ما بنفهمش الا كده ؟؟



شمشون ما فهمش أن مشاعره اللي مشى وراها
و عاش في النجاسة مع دليلة ضيعته ،
إلا لما قصت له شعره و سلمته للاعداء
و قلعوا له عينيه و خلوه يطحن كالدواب في السجن !!

و داود ما فهمش أن الزني مع بثشبع
و قتله لاوريا الحثي خطية عظمي
إلا لما السيف دخل بيته و قتل ٤ من أولاده
و اتحطمت مملكته و اتطرد من ابنه ابشالوم و عاش طريد لسنين..


و بطرس ما ادركش أنه أنكر سيده و انه كان معرض للهلاك
إلا لما شاف السيد المسيح مكبلا بالقيود و مثخن بالجراح
، ووجد نفسه صغيرة جدا في عينيه، و بدل ما يدافع عن سيده
و يشهد عنه ، ينكره و يبيع مبادئه أمام جارية ..


و موسي لم يدرك أن غضبه هو سر شقاؤه إلا لما قتل المصري
و بسبب كده هرب ٤٠ سنة من فرعون و ضيع عمره في الصحرا..
و مرة تانية لما بسبب غضبه ضرب الصخرة
و منعه ربنا من رؤية ارض الميعاد ..


و فيه ناس ما بتسمعش صوت الله
و لا صوت الإرشاد علي فم الحكماء و المرشدين
إلا بعد فوات الأوان..


كم واحد ضيع عمره في مشاعر غلط بعيد عن ربنا
و اتحرم من زواج مبارك حسب مشيئة الله ..
و كم واحد اتحرم من حياة مباركة و شغل ناجح
بسبب اهماله و تقصيره و عدم امانته ..

هو لازم ايدنا تتحرق علشان نعرف أن النار بتكوي؟؟
رد مع اقتباس