[walaa farouk]

النفس من غير ستر الله و بركته زي الوحش الكاسر اللي سلسلته اتفكت ، ينطلق بكل وحشية ..

بس الغل اللي في الوحش مش بيبقي علي الناس، بيبقي عليك انت الأول..

و ربنا ما يسمحش أن نفسك تتسلط عليك و تهاجمك ..

اللي ربنا بيستر عليه بغطاء الرحمة و البركة بيحميه من غباؤه و حماقته و شره الساكن جواه ..

و لما نفسك تتسلط عليك ، تلاقي نفسك بتعمل بنفسك الشر اللي يأذيك انت شخصيا !!

تلاقي قراراتك غلط في غلط، و تلاقي غضبك يحطمك و يحطم غيرك ،
و تلاقي لسانك فلت منك و تخسر اللي حواليك ، و تلاقي الخساير المادية تطاردك
، و تلاقي الناس تكرهك من افعالك مهما حاولت تظهر ليهم الحب ..

تلاقي نفسك مفضوح من كل تصرف، و تحس انك لوحدك رغم كل اللي حواليك ..

تلاقي علاقاتك و مشاكلك تزيد ، و تلاقي النكد يطاردك منين ما تروح ..

يا بخت اللي ربنا ساتر عليه و ما سابش الوحش الكاسر اللي جوه نفسه يقوم عليه